 |
|
| Aktuelt fra distriktet |
Vindmølla på Kvalnes på Andøya. Foto: Idar Nilssen.
Sykkelfabrikken - Dverberg
|
| Tilbake til bygninger |
Tekst/redigering: Idar Nilssen
Omtalen er hentet fra And-Ungen i 1929, der Magnus Nilssen skrev minneord om Ulrik Dahle.
|
|
Dahle – Dverberg, det lyr som eit slagord, og eit slagord har det vore i siste mannsalder. For Dahle heite han og på Dverberg budde han, - denne merkelege mannen med dei mange initiativ, og den store arbeidsevna sameint med ein høgboren idealitet. No er Dahle død, men tankane og ideane hans, kort sagt ånda hans vil sviv om og over dei tiltak og saker som han bala med. - Og det kom på eit ut anten dei var til vinning eller tap for han, så blei det til vinning for andre; for dei lærte av han. Ulrik Dahle var fødd på Helgeland i 1866. Han kom til Dverberg for omlag 40 år sidan. Det stod ikkje vidare bra til med jordbruket her på Andøya då. Den jordflekken som Dahle kom til å arbeide på som sin var liten, vatnsjuk og knapt slåande. Men Dahle tok fatt. Det var tungt og det kosta; men han gav ikkje op. Det kunde ikkje bli noko storbruk, for det var vidda forlita til, men eit mønsterbruk, - og eit mønsterbruk blei det som i avling og avdrott kan jamstilles med mangt eit storbruk. Kva Dahle ofra av tid og pengar i åra frametter når det galdt jordbruket og binæringane til dette, er det ingen som veit; men at sambygdingane hans fekk nyte mykje godt av røynslene hans, det veit mange. Etter at hovudvegen var komen gjennem bygda tok han til med sykkelfabrikken sin, Nordkap, og gav derved bygdefolk og mange, mange andre eit godt høve til å få seg eit framifrå samferdselsmiddel.
Sigurd Øvergård fra Nordmela med ny Nordkap-sykkel fra fabrikken til Ulrik Dahle. Foto utlånt fra Sigurd Øvergård. (Klikk for større bilde).
Med vindmylna si flytte han noko av Holland, eller Danmark til bygda si, for å skaffe elektrisk lys så langt det let seg gjere. Ein må leite langt for å finne sidestykke til dette som her er nemd. Og det er ikkje alt; men det er av dei ting som lengst vil minne om dei tiltak Dahle fekk til, og som kom til å bli røynd. Når det ein gong i framtida blir så at bygda får seg kornmylna, påny, så er det ein av Dahle sine planer som blir verkeleggjorde. Samleis vil det også bli med eit Andøy Meieri. Ulrik Dahle kunde som få høre på andre sine meiningar og leita med ærleg vilje etter sanningar i dei. Han hadde ei sterk tru på det gode i menneskelivet. Han var ei eldsjel som brann med høg, klår låge mot det som stig høgt over jordelivet, mot Gud. Og denne ljosken bar han med seg kor han gjekk og for, i heimen sin, i verkstaden sin, til venene sine, til alle han møtte. Den gav han det lyse milde andletsdraget, sjølv i motgang; den gav han hans sterke tru; den gav hans ord makt.
Tilbake til bygninger Tilbake til startsiden Andre bygninger i Andøy>> Strandland skole (Fotografier) Åknes skole (Fotogalleri) Gammelskolen - Medby (Fotogalleri) Slippen til Haakon Aronsen - Risøyhamn U.L. Lyngblomen - Ungdomshuset på Åse (Fotogalleri) Stave skole (Fotogalleri) Nordmela skole (Fotogalleri) Drengstua på Klokkergården på Dverberg Dverberg kommunehus Dverberg samfunnshus Bjørkely Cafè & Pensjonat i Risøyhamn "Stabburet" ved Gammelgården i Risøyhamn Soltun skole - Gavlen (Fotografier) Risøyhamn skole - Risøyhamn (Fotografier) Hussamlingen "Veita" på Andenes
|
|
